हनुमान चालीसा - Hanuman Chalisa In Hindi - Gulshan Kumar

श्री हनुमान चालीसा -Hanuman Chalisa In Hindi 

दोहा:-

 

श्रीगुरु चरन सरोज रज, निज मनु मुकुरु सुधारि।

बरनऊं रघुबर बिमल जसु, जो दायकु फल चारि।। 

बुद्धिहीन तनु जानिके, सुमिरौं पवन-कुमार।

बल बुद्धि बिद्या देहु मोहिं, हरहु कलेस बिकार।। 

 

चौपाई:-

 

जय हनुमान ज्ञान गुन सागर।

जय कपीस तिहुं लोक उजागर।।

 

रामदूत अतुलित बल धामा।

अंजनि-पुत्र पवनसुत नामा।।

 

महाबीर बिक्रम बजरंगी।

कुमति निवार सुमति के संगी।।

 

कंचन बरन बिराज सुबेसा।

कानन कुंडल कुंचित केसा।।

 

हाथ बज्र औ ध्वजा बिराजै।

कांधे मूंज जनेऊ साजै।

 

संकर सुवन केसरीनंदन।

तेज प्रताप महा जग बन्दन।।

 

विद्यावान गुनी अति चातुर।

राम काज करिबे को आतुर।।

 

प्रभु चरित्र सुनिबे को रसिया।

राम लखन सीता मन बसिया।।

 

सूक्ष्म रूप धरि सियहिं दिखावा।

बिकट रूप धरि लंक जरावा।।

 

भीम रूप धरि असुर संहारे।

रामचंद्र के काज संवारे।।

 

लाय सजीवन लखन जियाये।

श्रीरघुबीर हरषि उर लाये।।

 

रघुपति कीन्ही बहुत बड़ाई।

तुम मम प्रिय भरतहि सम भाई।।

 

सहस बदन तुम्हरो जस गावैं।

अस कहि श्रीपति कंठ लगावैं।।

 

सनकादिक ब्रह्मादि मुनीसा।

नारद सारद सहित अहीसा।।

 

जम कुबेर दिगपाल जहां ते।

कबि कोबिद कहि सके कहां ते।।

 

तुम उपकार सुग्रीवहिं कीन्हा।

राम मिलाय राज पद दीन्हा।।

 

तुम्हरो मंत्र बिभीषन माना।

लंकेस्वर भए सब जग जाना।।

 

जुग सहस्र जोजन पर भानू।

लील्यो ताहि मधुर फल जानू।।

 

प्रभु मुद्रिका मेलि मुख माहीं।

जलधि लांघि गये अचरज नाहीं।।

 

दुर्गम काज जगत के जेते।

सुगम अनुग्रह तुम्हरे तेते।।

 

राम दुआरे तुम रखवारे।

होत न आज्ञा बिनु पैसारे।।

 

सब सुख लहै तुम्हारी सरना।

तुम रक्षक काहू को डर ना।।

 

आपन तेज सम्हारो आपै।

तीनों लोक हांक तें कांपै।।

 

भूत पिसाच निकट नहिं आवै।

महाबीर जब नाम सुनावै।।

 

नासै रोग हरै सब पीरा।

जपत निरंतर हनुमत बीरा।।

 

संकट तें हनुमान छुड़ावै।

मन क्रम बचन ध्यान जो लावै।।

 

सब पर राम तपस्वी राजा।

तिन के काज सकल तुम साजा।

 

और मनोरथ जो कोई लावै।

सोइ अमित जीवन फल पावै।।

 

चारों जुग परताप तुम्हारा।

है परसिद्ध जगत उजियारा।।

 

साधु-संत के तुम रखवारे।

असुर निकंदन राम दुलारे।।

 

अष्ट सिद्धि नौ निधि के दाता।

अस बर दीन जानकी माता।।

 

राम रसायन तुम्हरे पासा।

सदा रहो रघुपति के दासा।।

 

तुम्हरे भजन राम को पावै।

जनम-जनम के दुख बिसरावै।।

 

अन्तकाल रघुबर पुर जाई।

जहां जन्म हरि-भक्त कहाई।।

 

और देवता चित्त न धरई।

हनुमत सेइ सर्ब सुख करई।।

 

संकट कटै मिटै सब पीरा।

जो सुमिरै हनुमत बलबीरा।।

 

जै जै जै हनुमान गोसाईं।

कृपा करहु गुरुदेव की नाईं।।

 

जो सत बार पाठ कर कोई।

छूटहि बंदि महा सुख होई।।

 

जो यह पढ़ै हनुमान चालीसा।

होय सिद्धि साखी गौरीसा।।

 

तुलसीदास सदा हरि चेरा।

कीजै नाथ हृदय मंह डेरा।। 

 

दोहा :-

 

पवन तनय संकट हरन, मंगल मूरति रूप।

राम लखन सीता सहित, हृदय बसहु सुर भूप।।

श्री हनुमान चालीसा -Hanuman Chalisa In English 

Doha:-

Shree Guru Charan Saroj Raj, Nij Manu Mukuru Sudhari|

Barnau Raghubar Bimal jasu, Jo Daayaku fal chaari||

Buddhiheen Tanu jaanike, Sumiro Pavan Kumar|

Bal Buddhi Vidya Dehu Mohi, Harhu Kales Bikaar ||

Chopai:-

Jai Hanuman Gyaan Gun Saagar |

Jai Kapis Tihu Lok Ujaagar ||

Ramdut Atulit Bal Dhaama |

Anjani-Putra Pavansoot Naama ||

Mahabir Bikram Bajarangi |

Kumati Nivaar Sumati Ke Sangi ||

Kanchan Baran Biraj Subesaa |

Kaanan Kundal Kunchit Kesaa ||

Haath Bajra Au Dhwaja Birajee |

Kaandhe Munj Janeun Saaje ||

Sankar Suwan Kesarinandan |

Tej Pratap Maha Jug Bandan ||

Vidyawan Guni Ati Chaatur |

Raam Kaaj Karibe koo Aatur ||

Prabhu Charitra Sunibe Ko Rasiyaa |

Ram Lakhan Sita Man Basiyaa||

Sukshm Roop Dhari Siyahii Dikhawa |

Bikat Roop Dhari Lank Jarawa ||

Bheem Roop Dhari Asoor Sahare |

Raamchandra Ke Kaaj Saware ||

Laai Sanjeevan Lakhan Jiaaye |

Sriraghubeer Harashi Urr Laaye ||

Raghupati Kinhi Bahut Badai |

Tum Mum Priya Bharath hee Sam Bhai ||

Sahas Badan Tumhro Jas Gaave |

Aas Kahi Shreepati Kanth Lagaave ||

Sanakdik Brhmadi Munisaa |

Naarad Saarad Sahit Aahisaa ||

Jab Kuber Digpaal Jahan Te |

Kabi Kobid Kahi Sake Kaha Te ||

Tum Upkaar Sugreeva Kinha |

Raam Milaaye Raj Pad dinhaa ||

Tumharo Mantra Bibhishan Maana |

Lankeshwar Bhaye Sab Jug Jaana ||

Juug Sahastra Jojan Par Bhaanu |

Lilhyo Taahi Madhur Fal Jaanu ||

Prabhu Mudrika Melii Mukh Maahi |

Jaladhi Laanghi Gaye Achraj Naahi ||

Durgam Kaaj Jagat ke Jete |

Sugam Anugraha Tumhre Tete ||

Raam Duaare Tum Rakhwaare |

Hoth Na Aagya Binu Paisaare ||

Sab Sukh Lahee Tumhari Sarnaa |

Tum Rakshak Kaahu Ko Darnaa ||

Aapan Tej Samharo Aaape |

Tino Lok Haank Te Kaape ||

Bhoot Pisaach Nikat Nahi Aave |

Mahabir Jab Naam Sunaave ||

Naase Rog Hare Sab Peera |

Japat Nirantar Hanumat Beera ||

Sankat Te Hanuman Chudaave |

Man Kram bachan Dhyaan Jo Laave ||

Sab Par Raam Tapasvi Raaja |

Tin ke Kaaj Sakal Tum Saaja ||

Aur  Manorath Jo Koi Laave |

Soi Amit Jeevan Fal Paave ||

Chaaro Juug Partaap Tumhaara |

Hai Parsiddhi Jagar ujiyaara ||

Saadhu Sant Ke Tum Rakhwaare |

Asur Nikandan Raam Dulaare ||

Aasht Sidhi Nau Nidhi Ke Daata |

Aas Bar Din Jaanki Maata ||

Raam Rasayan Tumhre Paasa |

Sada Raho Raghupati Ke Daasa||

Tumhre Bhajan Raam Ko Paave |

Janam Janam ke Dukh Bisraave ||

Aant Kaal Raghubar Poor Jaai |

Jahan Janma Hari Bhakt Kahai ||

Aur Devta Chitt N Dharai |

Hanumat Sei Sarba Sukh Karai ||

Sankat Kate Mite Sab Peera |

Jo Sumiroo Hanumat Balbeera ||

Jai Jai Jai Hanuman Gosaai |

Kripa Karhu Gurudev Ki Naai ||

Jo Shat Baar Paath Kar Koi |

Chutthi Bandi Maha Sukhh Hoii ||

Jo Yaha Padhe Hanuman Chalisa |

Hoy Sidhhi Saakhi Gaurisaa ||

Tulsidaas Sada Hari Chera|

kijiye Naath Hriday Mah Deraa||

Doha:-

Pavan Tanay Sankat Haran Mangal Murti Roop |

Raam Lakhan Sita Sahit, Hriday Basahu Soor Bhoop ||